شيرين: “هيفاء وهبي من أجدع وأنظف وأكرم الناس اللي عرفتهم”
هبة بريس – متابعة
حرصت الفنانة شيرين عبد الوهاب على توجيه الشكر للفنانة اللبنانية هيفاء وهبي، بسبب دعمها لها خلال محنتها الأخيرة.
وكتبت شيرين عبد الوهاب، من خلال منشور على حسابها بموقع “إكس”: “أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن”.
وأضافت: “كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني”.
وتابعت شيرين: “هيفا أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني، هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده”.
وختمت تدوينتها قائلة: “الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي.. وياريت ياريت في مصر لو في مشاكل انا بناشد أى حد لأن الست دى طيبة جدا جدا متستاهلش إلا كل خير”.
